တရားခံမစုံဘဲ အမိန့်ချလိုက်ရတဲ့ ဦးကိုနီ လုပ်ကြံခံရမှု

Sat, 2019-02-16 16:01 -- Nwe Mon Phyo

ဖေဖော်ဝါရီ - ၁၅ ၊၂၀၁၉

အာဏာရပါတီအမျိုးသားဒီမိုကရေစီအဖွဲ့ချုပ် ရဲ့ ဥပဒေအကြံပေး ဦးကိုနီ က လုပ်ကြံသတ်ဖြတ်ခံရမှုမှာ စွဲချက် တင်ထားတဲ့သူ လေးဦးကို ဒီကနေ့မှာ ပြစ်ဒဏ်အသီးသီးအမိန့်ချလိုက်ပါပြီ။

သေနတ်သမားကြည်လင်းနဲ့ ပူးတွဲတရားခံ အောင်ဝင်းဇော်ကို မသေမချင်းလည်ပင်းကြိုးကွင်းစွပ်သတ်ဖို့ အမိန့်ချပြီး သက်သေပစ္စည်ဖျောက်ဖျက်မှု နဲ့ဇေယျာဖြိုးကို အလုပ်နဲ့ထောင်ဒဏ်ငါးနှစ် ၊ ကျူးလွန်သူလွတ်မြောက်အောင်ကူညီပေးမှု နဲ့အောင်ဝင်းထွန်းကို အလုပ်နဲ့ထောင်ဒဏ် သုံးနှစ်တရားရုံးက ချလိုက်တာဖြစ်ပါတယ်။

ရန်ကုန်မြို့ရဲ့ နိုင်ငံတကာလေဆိပ်အနီး လူမြင်ကွင်းမှာ ဖြစ်ပွားခဲ့တဲ့ လူသတ်မှု ကိုအမိန့်ချလိုက်ပေမယ့် ကွင်းဆက်တရားခံ အောင်ဝင်းခိုင်လွတ်မြောက်နေတဲ့အပေါ်ကို သုံးသပ်ဝေဖန်မှုတွေကတော့ ထွက်လာနေဆဲပါပဲ။

ဒါအပြင် ကြည်လင်းနဲ့အောင်ဝင်းဇော်တို့ကို သေဒဏ်အမိန့်ချပြီးတဲ့နောက် မြန်မာနိုင်ငံရဲ့သေဒဏ် စနစ်အပေါ်မှာ လည်း စိတ်ဝင်စားမှုတွေက ရှိနေပါတယ်။

ဒီကနေ့ စကားဝိုင်းမှာတော့ ဦးကိုနီအမှု အမိန့်ချ မှတ်တဲ့အပေါ်အပြင် မြန်မာနိုင်ငံရဲ့သေဒဏ်စနစ်ကို ထောင်မှူးကြီးဟောင်းလည်းဖြစ် ၊ ဥပဒေအကြံပေးတစ်ဦးဖြစ်သူ ဦးခင်မောင်မြင့်နဲ့ဆွေးနွေးထားတာကိုတင်ဆက်လိုက်ပါတယ်။

 

Saturday, February 16, 2019

Top News