အခြေခံဥပဒေပြင်ဆင်ရေးကော်မတီ ဒုတိယကြိမ်အစည်းအဝေးခေါ်တဲ့အထိ မဖွဲ့နိုင်သေး

Sat, 2019-02-16 14:30 -- Nwe Mon Phyo

ဖေဖော်ဝါရီ - ၁၅ ၊၂၀၁၉

အခြေခံဥပဒေပြင်ဆင်ရေးပူးပေါင်းကေ်ာမတီမှာ ပါဝင်ခွင့်ရမယ့် ကိုယ်စားလှယ်အချိုး ကို ပြန်လည် သုံးသပ်ပေးဖို့ပြည်ထောင်စုလွှတ်တော်နာယက ကို တပ်မတော်သားလွှတ်တော်ကိုယ်စားလှယ်က တင်ပြလိုက်ပါတယ်။

ဒီကနေ့မှာ အခြေခံဥပဒေပြင်ဆင်ရေးဆိုင်ရာ ပူးပေါင်းကေ်ာမတီဖွဲ့ဖို့ လွှတ်တော်အတွင်းက အစုအဖွဲ့အသီးသီးရဲ့ ကိုယ်စားလှယ်တွေပါတဲ့ အစည်းအဝေးကို ကျင်းပခဲ့တာပါ။

အဲဒီအစည်းအဝေးမှာ တပ်မတော်သားလွှတ်တော်ကိုယ်စားလှယ်ကတင်ပြခဲ့တာဖြစ်ပါတယ်။

ာ ဖွဲ့စည်းပုံပြင်ဆင်ရေးပူးပေါင်းကေ်ာမတီမှာ အချိုးကျကိုယ်စားလှယ်ပါဝင်မှုနဲ့ပတ်သက်ပြီး ပြည်ခိုင်ဖြိုးပါတီ ကလည်း ကိုယ်စားလှယ် အချို့ကျပါဝင်မှုနည်းပါးတာကြောင့် ပိုမိုတိုးချဲ့သင့်တယ်လို့ အစည်းအဝေးမှာ ဆွေးနွေးခဲ့တာကိုတွေ့ရပါတယ်။

ဒါအပြင် ကော်မတီရဲ့ လုပ်ပိုင်ခွင့်ထဲမှာ ကော်မတီမှာ ဆွေးနွေးမှုတွေကို မဲခွဲဆုံးဖြတ်တာတွေ လုပ်ဆောင်မှာဖြစ်တာကြောင့် မဲခွဲဆုံးဖြတ်မှုကိုတော့ ကန့်ကွက်ခဲ့တာတွေလည်းရှိပါတယ်။

ပြည်ထောင်စုလွှတ်တော်က အတည်ပြုထားတဲ့ ၂၀၀၈ ဖွဲ့စည်းပုံပြင်ဆင်ရေးပူပေါင်းကော်မတီ ဖွဲ့စည်းရေးကို ကိုယ်စားလှယ် ၄၅ ဦးနဲ့ ဖွဲ့စည်းဖို့ ဆွေးနွေးခဲ့ပေမယ့်လည်း ဒီကနေ့ အထိအဆုံးအဖြတ်ရယူပြီး ဖွဲ့စည်းနိုင်သေးတာမရှိပါဘူး။

ရုပ်သံသတင်းထောက် - မောင်သင်တုန်း

 

Saturday, February 16, 2019

Top News