တပ်မတော်၏ တရားစွဲဆိုမှု မေလတွင်မြင့်တက်လာဟု AAPP အစီရင်ခံစာဖော်ပြ

ဒေါင်းတို့မျိုးဆက်သံချပ်အဖွဲ့ကို ဇွန်လ ၁၀ ရက်တွင် ရုံးထုတ်စဉ် (ဓာတ်ပုံ − ကျော်ဇင်သန်း)

 တပ်မတော်၏ တရားစွဲဆိုမှုများ မေလတွင် ယခင်လများထက် သိသာစွာမြင့်တက်လာသည်ကို တွေ့ရှိရကြောင်း နိုင်ငံရေးအကျဉ်းသားများ ကူညီစောင့် ရှောက်ရေးအသင်း (AAPP) ၏ လစဉ်အစီရင်ခံစာတွင် ဖော်ပြသည်။

ဒေါင်းတို့မျိုးဆက် သံချပ်အဖွဲ့ အမှုဖွင့်ခံရခြင်း၊ ဇွဲအငြိမ့်အဖွဲ့မှ လူရွှင်တော်များ တရားစွဲဆိုခံရခြင်းနှင့် ရွှေဝါရောင်ဆရာတော် ဦးစိန္တိတ တရားစွဲဆိုခံရခြင်း စသည့် တပ်မတော်က တရားစွဲဆိုခြင်း အပါအ၀င် အစိုးရအဖွဲ့၏ တရားစွဲဆိုမှု ဖြစ်စဉ်များအပေါ်သုံးသပ်ခြင်းဖြင့် မြန်မာနိုင်ငံ၏လွတ်လပ်စွာ ထုတ်ဖော်ပြောဆိုခွင့် အခြေအနေကျဆင်းလာသည်ကို တွေ့ရကြောင်း AAPP က ထုတ်ပြန်သည့် မေလအတွက်အစီရင်ခံစာတွင် ဖော်ပြထား သည်။

ရာဇသတ်ကြီးပုဒ်မ ၅၀၀၊ ၅၀၅(က)(ခ)၊ ငြိမ်း၊ စု၊ စီဥပဒေ၊ ဆက်သွယ်ရေးဥပဒေကဲ့သို့သော ဥပဒေများသည် လွတ်လပ်စွာ ထုတ်ဖော်ပြောဆိုခွင့်ကို တားဆီးရန် အသုံးပြုလေ့ရှိသည့် ဥပဒေများ ဖြစ်လာကြောင်းလည်း ဇွန်လ ၁၄ ရက်က ထုတ်ပြန်သည့် လစဉ်အစီရင်ခံစာတွင် ဖော်ပြသည်။  

‘နိုင်ငံတကာနှင့် ပြည်တွင်း ဥပဒေများတွင် လွတ်လပ်စွာ ထုတ်ဖော်ပြောဆိုခွင့်ကို ပြဋ္ဌာန်းထားရှိသော်လည်း မြန်မာနိုင်ငံသည် ထိုအခွင့်အရေးများကို လေးစားလိုက်နာရန် ပျက်ကွက်ဆဲဖြစ်သည်။ ထို့ကြောင့် မြန်မာနိုင်ငံတွင်းရှိ နိုင်ငံရေးတက်ကြွလှုပ်ရှားသူများ၊ အရပ်သားများ၊ လယ်သမားများနှင့် အလုပ်သမားများသည် ကန့်သတ်ထားမှုများနှင့် အမျိုးမျိုးသော ဖိနှိပ်ထားမှုများကို ရင်ဆိုင်နေကြရသည်’ ဟုလည်း ထုတ်ပြန်ချက်တွင် ဖော်ပြသည်။

လွတ်လပ်စွာ ထုတ်ဖော်ပြောဆိုခွင့်ကို အပြည့်အဝ ဖော်ဆောင်မှု ပြုပေးရန်၊ နိုင်ငံသားများကို ဖိနှိပ်ထားသော ဥပဒေများကို အမြန်ဆုံး ပြင်ဆင်ဖြည့်စွက်ပေးရန် (သို့မဟုတ်) ရုပ်သိမ်းပေးရန်လည်း AAPP က အစိုးရထံ ထပ်မံတိုက်တွန်းထားသည်။

 AAPP အစီရင်ခံစာအရ နိုင်ငံရေးပုဒ်မများဖြင့် တရားရင်ဆိုင်နေရသူဦးရေ မေလကုန်အထိ စာရင်းအရ ၃၆၀ ဦး ရှိနေသည်။

တက်ကြွလှုပ်ရှားသူ ၁၄၂ ဦးသည် ထောင်အတွင်းမှ တရားရင်ဆိုင်နေရကာ ၂၁၈ ဦးသည်ထောင်ပြင်ပမှ တရားရင်ဆိုင်နေရသည်။ အကျဉ်းထောင်များတွင် နိုင်ငံရေးအကျဉ်းသား ၂၈ ဦး ရှိနေကြောင်း ထုတ်ပြန်ချက်တွင် ဖော်ပြသည်။

AAPP သည် ထောင်အတွင်းရှိ နိုင်ငံရေးအကျဉ်းသားများနှင့် အမှုရင်ဆိုင်နေရသူများ စာရင်းကို ၂၀၁၄ ဩဂုတ်က ရန်ကုန်မြို့၌ပြုလုပ်သော ပါတီများ၊ နိုင်ငံရေးအကျဉ်း သားဆိုင်ရာ အဖွဲ့အစည်းများနှင့် အရပ်ဘက်အဖွဲ့ အစည်းများ၏ အလုပ်ရုံဆွေးနွေးပွဲမှ ထွက်ပေါ်လာသော နိုင်ငံရေးအကျဉ်းသားဆိုင်ရာ အဓိပ္ပာယ် ဖွင့်ဆိုချက်အပေါ် အခြေခံပြုစုနေသည်။