ငြိမ်းချမ်းရေးဖြစ်စဉ် နှောင့်နှေးအောင် ပြုလုပ်ခြင်းများ ရှောင်ရှားရန် UPDJC အစိုးရကိုယ်စားလှယ် တိုက်တွန်း

UPDJC အစိုးရအစုအဖွဲ့အတွင်းရေးမှူး ဦးခင်ဇော်ဦးကို တွေ့ရစဉ် ဓာတ်ပုံ − ဂျေမောင်မောင်(အမရပူရ)

 ငြိမ်းချမ်းရေးဆွေးနွေး ညှိနှိုင်းမှုဖြစ်စဉ် နှောင့်နှေးကြန့် ကြာအောင် အချိန်ဆွဲခြင်း၊ ရပ် ဆိုင်းခြင်းများ ပြုလုပ်ခြင်းကိုဆွေး နွေးဖက်အားလုံးက ရှောင်ရှားရန် ပြည်ထောင်စုငြိမ်းချမ်းရေး ဆွေးနွေးမှု ပူးတွဲကော်မတီ (UPDJC) အစိုးရအစုအဖွဲ့ကိုယ်စားလှယ်က တိုက်တွန်းသည်။

ဇွန်လ ၁၄ ရက်ကပြုလုပ် သည့်  UPDJC အတွင်းရေးမှူးအဖွဲ့ အလွတ်သဘော အစည်းအ ဝေးအပြီး အမှာစကားပြောကြား ရာတွင် UPDJC ၏ အစိုးရအစုအဖွဲ့ အတွင်းရေးမှူး ဦးခင်ဇော်ဦးကယင်းသို့ ထည့်သွင်း ပြောကြား သည်။

‘‘ဆွေးနွေးညှိနှိုင်းမှု ဖြစ်စဉ် ကို နှောင့်နှေးကြန့်ကြာအောင် အ ချိန်မဆွဲဖို့၊ မရပ်ဆိုင်းဖို့ကိုတော့ ဆွေးနွေးဖက်အားလုံးက ရှောင် ရှားကြဖို့ တိုက်တွန်းလိုပါတယ်။ လစဉ်အစည်းအဝေးများ ကျင်းပ နိုင်ဖို့ကိုလည်းအားလုံးက အလေးထားစေချင်ပါတယ်’’ ဟု ဦးခင်ဇော်ဦးက ပြောသည်။

NCA မူဘောင်အတွင်း တ ရားဝင်အစည်းအဝေးများ ကျင်းပ ခြင်းကတစ်ဆင့် ပြည်ထောင်စု ငြိမ်းချမ်းရေးညီလာခံ ဆက်လက် ကျင်းပနိုင်ရေး ဦးတည်ဆောင် ရွက်ရန် ၎င်းကတိုက်တွန်းသည်။

ဆွေးနွေးဖက်များ အနေ ဖြင့် အချင်းချင်း စည်းလုံးမှုဖြင့် ဆက်လက်ညှိနှိုင်းမှသာ ဆွေးနွေး မှုများ အဆင်ပြေချောမွေ့မည်ဟု ၎င်းကပြောသည်။ ‘‘အပိုင်းပိုင်း ကွဲသွားတဲ့ ဆွေးနွေးဖက်ကို  ရရှိမယ်ဆိုရင်လည်း ကျွန်တော်တို့အတွက် အားသာချက်မဖြစ်နိုင်ပါဘူး’’ ဟု ဦးခင်ဇော်ဦးက ပြော ကြားသည်။

၂၀၁၈ ဇူလိုင်က ကျင်းပ သည့်  ပြည်ထောင်စုငြိမ်းချမ်းရေး ညီလာခံ ၂၁ ရာစုပင်လုံ ပြီးက တည်းက NCA လမ်း ကြောင်းအရ ဆောင်ရွက်နေသည့် တရားဝင် ဆွေးနွေးပွဲများ ရပ်တန့်နေသည်။ ကရင်အမျိုးသား အစည်းအရုံး (KNU) နှင့် ရှမ်းပြည်ပြန်လည် ထူထောင်ရေးကောင်စီ (RCSS) တို့က ငြိမ်းချမ်းရေးဆိုင်ရာ တ ရားဝင်အစည်းအဝေးများတွင် ပါ ၀င်မှု  ယာယီရပ်ဆိုင်းထားသည်။

တိုင်းရင်းသား လက်နက် ကိုင်အဖွဲ့များအနက် အချို့သည် တရားဝင်  ဆွေးနွေးပွဲများကို ဆိုင်းငံ့ထားသဖြင့် အားလုံးတက် ရောက်နိုင်ရန် UPDJC အတွင်း ရေးမှူးများအဖွဲ့  နှစ်ရက်ကြာ အ လွတ်သဘော အစည်းအဝေး ပြု လုပ်ခဲ့ကြောင်း အစိုးရအစုအဖွဲ့ ကိုယ်စားလှယ် ဦးလှမောင်ရွှေက ပြောကြားသည်။ သို့သော် UPDJC အတွင်းရေးမှူးအဖွဲ့ အ လွတ်သဘော အစည်းအဝေးသို့ RCSS ကိုယ်စားလှယ် တက် ရောက်သော်လည်း KNU ကိုယ် စားလှယ် တက်ရောက်ခြင်းမရှိ ပေ။  KNU အနေဖြင့် ၎င်းတို့အဖွဲ့ အစည်းအတွင်း အစည်းအဝေး များကြောင့် အလွတ်သဘော ဆွေးနွေးပွဲသို့ မတက်ရောက်နိုင် ဟုသိရကြောင်း တိုင်းရင်းသား လက်နက်ကိုင်အဖွဲ့အစည်းများ အစုအဖွဲ့မှ ကိုယ်စားလှယ်အချို့ က ပြောကြားသည်။

UPDJC အတွင်းရေးမှူးများ အနေဖြင့် အမျိုးသားပြန်လည် သင့်မြတ်ရေး၊ ငြိမ်းချမ်းရေးလုပ် ငန်းစဉ် ပြီးပြည့်စုံအောင်မြင်ရေး၊ ဖက်ဒရယ်ပြည်ထောင်စု တည် ဆောက်ရေး အတားအဆီး၊ အ ခက်အခဲများကို ရင်ဆိုင်ကျော် လွှားပြီး လက်တွဲဆောင်ရွက်ရန် လည်း တိုင်းရင်းသား လက်နက် ကိုင်အဖွဲ့အစည်းများ အစုအဖွဲ့ ကိုယ်စားလှယ် ရှမ်းလက်နက်ကိုင် အဖွဲ့ (RCSS) မှ ဗိုလ်မှူးကြီးစိုင်း ငင်းက ဇွန်လ ၁၄ ရက်တွင် ပြော ကြားသည်။