ပညာရေးဝန်ကြီးဌာနနှင့် ပူးပေါင်းဆောင်ရွက်ရန် ဖေ့စ်ဘွတ်ခ် ဆွေးနွေးနေ

ဖေ့စ်ဘွတ်ခ် ကုမ္ပဏီ သည် အနာဂတ်ကာလ၌ မြန်မာ နိုင်ငံတွင် ပညာရေးဝန်ကြီးဌာန နှင့် ပူးပေါင်းဆောင်ရွက်ရန် ဆွေးနွေးနေသည်ဟု ဖေ့စ်ဘွတ်ခ် Con-nectivity and Access Policy အကြီးအကဲ Ms. Tenzin Norbhuက ပြောသည်။

မြန်မာနိုင်ငံတွင် ပညာရေးဝန်ကြီးဌာနနှင့် ပူးပေါင်းဆောင်ရွက်မည့် အစီအစဉ်အသေးစိတ်ကို ဆွေးနွေးဆဲကာလဖြစ်၍ ထုတ်ပြန်ပြောနိုင်ခြင်းမရှိသေးကြောင်း၎င်းက ပြောသည်။

‘‘ပညာရေး ဝန်ကြီးဌာနနဲ့ ပေါင်းမယ်ဆိုတာ အနာဂတ်မှာပါ။ လက်ရှိတော့ မဟုတ်သေးဘူး’’ဟု Ms.Tenzin Norbhu က ပြောသည်။

သို့သော် ဖေ့စ်ဘွတ်ခ်သည် စင်ကာပူနိုင်ငံတွင် မိတ်ဆက်ပြီး ဖြစ်သည့် We Think Digital အမည်ရှိ အွန်လိုင်းပညာရေးပေါ် တယ်လို့ ၂၀၂၀ နှစ်ကုန်၌ မြန်မာနိုင်ငံတွင် မိတ်ဆက်ရန် စီစဉ်ထားကြောင်း ၎င်းက ပြောသည်။

ဖေ့စ်ဘွတ်ခ် ကုမ္ပဏီသည် We Think Digital ပရိုဂရမ်ကို ၂၀၁၉ မတ်လက စတင်မိတ်ဆက်ပြီး ၂၀၂၀ ၌ အာရှ-ပစိဖိတ်ဒေသ တွင် လူဦးရေတစ်သန်းဆီသို့ ဒစ် ဂျစ်တယ်စာတတ်မြောက်မှု အ ရင်းအမြစ်အသစ်များ လက်လှမ်း မီရန် ရည်မှန်းထားသည်ဟု သတင်းထုတ်ပြန်သည်။

အာရှ−ပစိဖိတ်ဒေသရှိ နိုင်ငံ ရှစ်ခုအတွက် ကွဲပြားခြားနားသည့် ဘာသာစကားခြောက်မျိုးကို အ သုံးပြုကာ We Think Digital ပရို ဂရမ်ကို ကျွမ်းကျင်သူများနှင့်ဒီဇိုင်း ပုံဖော်ထားကြောင်း မတ်လအ တွင်း ဖေ့စ်ဘွတ်ခ်ကုမ္ပဏီက ကြေ ညာခဲ့သည်။

ဖေ့စ်ဘွတ်ခ်သည် မြန်မာနိုင် ငံ၌ မြန်မာစာပေ ပံ့ပိုးကူညီမှုနှင့် ထိန်းသိမ်းစောင့်ရှောက်ရေး ပရ ဟိတအဖွဲ့ (MBAPF)နှင့် ဒစ်ဂျစ် တယ်နည်းပညာစာတတ်မြောက် မှုပရိုဂရမ်ကို မတ်လအတွင်း မြန် မာနိုင်ငံတွင် ပူးပေါင်းလုပ်ဆောင်ခဲ့သည်။

ထို့နောက် ဆက်သွယ်ရေး အော်ပရေတာ အူရီးဒူးနှင့် ပူး ပေါင်း၍ ‘Internet One On One’ အမည်ရှိ ဒစ်ဂျစ်တယ်ဗဟုသုတ ပြန့်ပွားရေးအစီအစဉ်ကို ဇွန်လအ တွင်း စတင်ခဲ့သည်။ ဖေ့စ်ဘွတ်ခ်သည် မြန်မာနိုင်ငံ၌ Institute for Political and Civic Engage-ment (iPace) အဖွဲ့အစည်းနှင့် လည်း ပူးပေါင်းထားပြီး နောင်တွင် အစိုးရမဟုတ်သော အရပ်ဘက်အဖွဲ့အစည်းများနှင့် ဆက်လက်ပူးပေါင်းရန် အစီအစဉ်များ ရှိ သည်ဟု Ms. Tenzin Norbhu က ပြောသည်။

 ဖေ့စ်ဘွတ်ခ် ကုမ္ပဏီနှင့် ပညာရေး  ဝန်ကြီးဌာနအကြား ဆွေးနွေးသော်လည်း အချိန်ကာလ အလွန်ကြာမြင့်ပြီဖြစ်သဖြင့် ဆွေးနွေးမှုအချက်အလက်များကို ပါဝင်ဆွေးနွေးသူများ မှတ်တမ်း ပြန်လည်ကြည့်ရှုပြီးမှသာ ပြောနိုင်မည်ဟု ပညာရေးဝန်ကြီးဌာန တာ ဝန်ရှိသူတစ်ဦးက ပြောသည်။