ဘင်္ဂလားဒေ့ရ်ှဟက်ကာအဖွဲ့က မြန်မာဝက်ဘ်ဆိုက်များကို တိုက်ခိုက်နေ၍ လုံခြုံရေးအဆင့်မြှင့်ရန် တိုက်တွန်း

ဘင်္ဂလားဒေ့ရ်ှနိုင်ငံမှ ‘Cyber 71’ အမည်ရှိ ဟက်ကာအ ဖွဲ့သည် မြန်မာနိုင်ငံရှိ ဝက်ဘ် ဆိုက်များကို ပြန်လည်တိုက်ခိုက် လာသဖြင့် ဝက်ဘ်ဆိုက်ပိုင်ရှင် များ လုံခြုံရေးအဆင့်မြှင့်တင်ရန် နှင့် ဆိုက်ဘာတိုက်ခိုက်ခံရပါက ဆက်သွယ်အကူအညီတောင်းခံ ရန် မြန်မာကွန်ပျူတာအရေးပေါ် တုံ့ပြန်ရေးအဖွဲ့က ကြေညာသည်။ဘင်္ဂါလီအရေးကိစ္စ၌ သတင်းအမှန်ကို ကမ္ဘာက သိရှိစေရန် ရည်ရွယ်ချက်ဖြင့် ‘Union Of Under-ground Myanmar Hackers(UGMH)’ အမည်ရှိ မြန်မာဟက်ကာအဖွဲ့က ဘင်္ဂလားဒေ့ရ်ှဝက်ဘ် ဆိုက်များကို မတ်လ ၁၄ ရက်တွင် စတင်တိုက်ခိုက်ပြီးနောက် ဘင်္ဂလားဒေ့ရ်ှဟက်ကာအဖွဲ့က မတ်လ ၁၉ ရက်တွင် ပြန်လည်တိုက် ခိုက်ခဲ့သည်။


မြန်မာကွန်ပျူတာအရေး ပေါ် တုံ့ပြန်ရေးအဖွဲ့၏ ထုတ်ပြန် ချက်၌ Cyber 71 ဟက်ကာအဖွဲ့ သည် မြန်မာဝက်ဘ်ဆိုက်များကို Defacement (ဝက်ဘ်ဆိုက်သို့ ဝင်ရောက်၍ စာမျက်နှာတစ်ခုဖုံး အုပ်သည်) ပြုလုပ်ခြင်း၊ DDOS (ရပ်တန့်သွားစေရန် တိုက်ခိုက် သည်) စနစ်ဖြင့် တိုက်ခိုက်ခြင်းတို့ ပြုလုပ်ခဲ့သည်ဟု ဖော်ပြထား သည်။

UGMH ၏အဆိုအရ မြန်မာ ဘက်မှ ဝက်ဘ်ဆိုက်လေးခုခန့် Deface ပြုလုပ်ခံရပြီး ဝက်ဘ် ဆိုက်ငါးခုခန့် DDOS တိုက်ခိုက်ခံ ရသည်။ တိုက်ခိုက်ခံရသည့် ဝက်ဘ်ဆိုက်များသည် လုံခြုံရေးနိမ့်သဖြင့် ဆိုက်ဘာတိုက်ခိုက်မှု ဖြစ်ပွားတိုင်း ပုံမှန်တိုက်ခိုက်ခံရ လေ့ရှိသည်ဟု အဆိုပါအဖွဲ့ ထုတ်ပြန်ချက်တွင် ရေးသားထား သည်။

 တိုက်ခိုက်ခဲ့သည့် ဝက်ဘ်ဆိုက်များကို ဘင်္ဂလားဒေ့ရ်ှဟက် ကာအဖွဲ့က ထုတ်ပြန်ကြေညာရာ တွင် gov.mm နှင့် ဆုံးသည့် မြန်မာအစိုးရဝက်ဘ်ဆိုက်များပါဝင် သည်။

မြန်မာဟက်ကာအဖွဲ့သည် မတ်လ ၁၄ ရက်တွင် ဘင်္ဂလား ဒေ့ရ်ှဝက်ဘ်ဆိုက် ၅၀ ကျော်ကို Deface ပြုလုပ်ပြီး လက်ရှိ၌ ဘင်္ဂလားဒေ့ရှ် ရေတပ် ဝက်ဘ်ဆိုက်နှင့် အစိုးရဝက်ဘ်ဆိုက်အချို့ကို ဝင်ရောက်နိုင်ခဲ့သည်ဟု UGMH က ကြေညာသည်။

နှစ်နိုင်ငံ ဆိုက်ဘာတိုက်ခိုက် မှုဆက်လက်ဖြစ်ပွားနေပြီး ဘင်္ဂ လားဒေ့ရ်ှနိုင်ငံရှိ edu.bd နှင့်ဆုံး သည့် ဝက်ဘ်ဆိုက်အချို့ကို တိုက်ခိုက်နိုင်ခဲ့သည်ဟု မြန်မာဟက် ကာအဖွဲ့က မတ်လ ၂၁ ရက်တွင် ကြေညာသည်။

UGMH အဖွဲ့ကို ၂၀၁၅ တွင်Underground Hackers အဖွဲ့ များ စုပေါင်းဖွဲ့စည်းခဲ့ပြီး ဘင်္ဂလား ဒေ့ရ်ှနိုင်ငံနှင့် ဘင်္ဂါလီအရေးကို အခြေခံ၍ အပြန်အလှန်ဆိုက်ဘာ တိုက်ခိုက်မှုများ ယခင်က ပြုလုပ် ဖူးသည်။

Top News