ပင်နာဆိုးနစ်ကုမ္ပဏီ အလုပ်သမားငါးထောင်ခန့် လျှော့မည်

ဂျပန်နိုင်ငံအနောက်ပိုင်း ကိုဘေးမြို့ရှိ လက်ပ်တော့ကွန်ပျူတာစက်ရုံလုပ်ငန်းခွင်အား တွေ့ရစဉ် franck robichon/epa

ပင်နာဆိုးနစ်ကုမ္ပဏီသည်  မော်တော်ကားနှင့် စက်မှုလုပ်ငန်းဌာနမှ အလုပ်သမားဦးရေ ၅၀၀၀ ခန့်ကို လျှော့ချမည်ဟု သတင်းထုတ်ပြန်သည်။

ကုမ္ပဏီဥက္ကဋ္ဌကာဇူဟီ ကိုဆူဂါ ချမှတ်သော လာမည့် သုံးနှစ်တွင် အနည်းဆုံး ငါးရာခိုင်နှုန်း အမြတ်ရရှိရေး လုပ်ငန်းစဉ်ကို အထောက်အပံ့ပြုနိုင်ရန် ယခုကဲ့သို့ရည်ရွယ်လုပ်ဆောင်ခြင်းဖြစ်သည်။ အဆိုပါဌာနသည် ကားပစ္စည်းများ၊တစ်ပိုင်းလျှပ်ကူးပစ္စည်းများ၊ ကုန်ထုတ်လုပ်ရေးစက်ကိရိယာများနှင့် အခြားပစ္စည်းများကို ထုတ်လုပ်ပြီး ၎င်းဌာနတွင် ပင်နာဆိုးနစ်ကုမ္ပဏီတစ်ခုလုံး၏ အလုပ်သမားအင်အား၏ သုံးပုံတစ်ပုံခန့်ဖြစ်သော ၀န်ထမ်းပေါင်း တစ်သိန်းတစ်သောင်းကို အလုပ်ခန့်အပ်ထားသည်။

ယင်းစီးပွားရေးလုပ်ငန်းများမှာ ပင်နာဆိုးနစ်ကုမ္ပဏီအား နေ့စဉ်သုံး လျှပ်စစ်ပစ္စည်းများထုတ်လုပ်ရေးမှ လမ်းကြောင်းပြောင်းရေး မစ္စတာဆူဂါ၏ မဟာဗျူဟာ အစိတ် အပိုင်းတစ်ရပ်ဖြစ်သည်။

““အလုပ်သမားစရိတ်လျှော့ချခြင်းဟာ အကျိုးအမြတ်တိုးတက်စေရေးအစီအစဉ်ရဲ့ အဓိကအစိတ်အပိုင်းတစ်ခုဖြစ်ပါလိမ့်မယ်””ဟု ယာဉ်နှင့်စက်မှုလုပ်ငန်းအကြီးအကဲ ယိုရှီဟီကိုယာမဒါက တိုကျိုမြို့ ရှိရင်းနှီးမြှပ်နှံသူများနှင့် လေ့လာဆန်းစစ်သူများအား ပြောကြားခဲ့သည်။

—Ref: Reuters