သီရိလင်္ကာနိုင်ငံသို့ မြန်မာ့စွယ်စုံဆင်တစ်ကောင် ပေးအပ်

မြန်မာနိုင်ငံမှ စွယ်စုံဆင်တစ်ကောင်ကို သီရိလင်္ကာနိုင်ငံသို့ မေလ ၂၉ ရက် နံနက် ၁၁ နာရီက ရန်ကုန်တိရစ္ဆာန်ဥယျာဉ်တွင် ပေးအပ်ခဲ့ကြောင်း ပတ်ဝန်းကျင်ထိန်းသိမ်းရေးနှင့် သစ်တောရေးရာဝန် ကြီးဌာနမှ သတင်းရရှိသည်။

ပေးအပ်ခဲ့သော ဆင်အမည်မှာ အောင်လင်းဦးဖြစ်ပြီး ၀န်တင်ဆင်အမျိုးအစားဖြစ်ကာ အရပ်အမြင့် ၅ ပေ ၈ လက်မ၊ ကိုယ်အလေးချိန် ၂၂၀၀ ပေါင် ရှိသည်။ အစွယ်အမျိုးအစားမှာ စွယ်စုံအမျိုးအစားဖြစ်ကြောင်း ပတ်ဝန်းကျင်ထိန်းသိမ်းရေးနှင့် သစ်တောရေးရာဝန်ကြီးဌာနမှ တာဝန်ရှိသူတစ်ဦးက ပြောသည်။ မြန်မာနိုင်ငံမှ ပေးအပ်သောဆင်ကို  သီရိလင်္ကာနိုင်ငံမှ ဆရာတော် Most Ven. Prof Bellinwila Wimalaratne Thero က လက်ခံရယူခဲ့ပြီး စွယ်စုံဆင်နှင့်အတူ ၎င်းနှင့်ပတ်သက်သည့် စာရွက်စာတမ်းများပါ ပေးအပ်ခဲ့သည်။

မြန်မာနိုင်ငံသို့ ရောက်ရှိနေသော သီရိလင်္ကာဆရာတော်က မြန်မာနှင့် သာသနာရေးအရပူးပေါင်းဆောင်ရွက်မည်ဖြစ်ပြီး ဗုဒ္ဓဂယာခရီးစဉ်များကိုလည်း အကျိုးတူပူးပေါင်းဆောင်ရွက်မည်ဟု မိန့်ကြားခဲ့သည်။